Почеттиноның «Манчестер Юнайтедке» келуі туралы келісім жасалды
Маурисио Почеттино «Манчестер Юнайтедтің» бас бапкері болу шарттарына келісім берді. Қазір тараптар құжаттық рәсімдерді аяқтап жатыр.
Аргентиналық бапкер Маурисио Почеттино «Манчестер Юнайтедті» басқаруға келісім берді. Екі тарап бапкерлік келісімшарт пен оның штабын жасақтау мәселесінде ауызша уағдаластыққа қол жеткізген.
Қазір тек ресми рәсімдер ғана қалды. Одан кейін келісім толық бекітіліп, клуб жаңа бапкерін жариялауы мүмкін.
Жоспар бойынша, Почеттино алдымен АҚШ құрамасымен алдағы матчтарын өткізіп, содан кейін Англияға аттанады. Оның келісімшартын мерзімінен бұрын бұзу үшін 10 миллион доллар көлемінде өтемақы қарастырылған. Көмекшілері де бірге ауысса, бұл сома тағы өседі.
Сонымен қатар, аргентиналық маман «Манчестер Юнайтед» басшылығымен қаңтар айындағы трансферлік күшейту жайын алдын ала талқылап үлгерген. Клуб жаңа ойыншылар алуды көздеп отыр, ал Почеттино олардың таңдауына қатысады.
Почеттиноның тағайындалғаны әзірге ресми түрде жарияланған жоқ.