Қазақстан футбол федерациясы келесі маусымда Қазақстан Премьер-лигасы клубтары үшін легионерлер лимитін өзгертпейтін болды.
Қолданыстағы тәртіп бойынша, КПЛ командалары бір маусымға ең көп дегенде тоғыз шетелдік футболшыны тіркей алады.
Дегенмен бұл мәселе түбегейлі жабылған жоқ. Федерация Премьер-лига клубтарының пікірін жинап, әр командадан ұсыныс алған және лимитті алдағы уақытта қайта қарауды жоспарлап отыр.
Легионерлерге қатысты қазіргі шектеу КФФ Атқару комитеті тарапынан 2023 жылдың желтоқсанында бекітіліп, 2024 жылғы маусымнан бастап күшіне енген.
