Қазақстандық теннисші Елена Рыбакина Қытайдың Нинбо қаласында өтіп жатқан WTA 500 санатындағы турнирдің жартылай финалына жолдама алды.
Ширек финалда ол әлемдік рейтингте 128-орында тұрған Польша өкілі Катажина Кавамен кездесті. Матч 6:1, 3:6, 6:1 есебімен Рыбакинаның пайдасына аяқталды. Кездесу 1 сағат 45 минутқа созылды.
Рыбакина жарысты екінші айналымнан бастаған еді. Ол бұл кезеңде Өзбекстан өкілі Полина Кудерметовамен ойнады, алайда алғашқы сетте есеп 5:0 болғанда қарсыласы матчты жалғастырудан бас тартты.
Ал Кава бұған дейін швейцариялық Белинда Бенчичті 7:5, 6:2 есебімен сенсациялық түрде ұтып, мансабында алғаш рет әлемнің үздік 20 теннисшісінің біріне қарсы жеңіске жеткен болатын.
Енді Рыбакина жартылай финалда Диана Шнайдермен кездеседі. Шнайдер ширек финалда америкалық Ива Йовичті 6:3, 4:6, 6:1 есебімен жеңді.
Айта кетейік, Елена Рыбакина Нинбо турниріне действующий чемпион ретінде келген. Жарыс ашық хард төсенішінде өтіп жатыр және 25 қазанда аяқталады.
