Роналду 982-голын соғып, әлемдік рекордын жаңартты
Криштиану Роналду Сауд Арабиясы Премьер-лигасының 11-туры аясында «Аль-Файзали Хармаға» қарсы сырт алаңдағы матчта мергендік танытты. Бұл — оның кәсіби мансабындағы 982-голы және ресми кездесулердегі жаңа әлемдік рекорд.
Португалия құрамасы мен «Аль-Насрдың» шабуылшысы Криштиану Роналду Сауд Арабиясы Премьер-лигасының 11-туры аясында «Аль-Файзали Хармаға» қарсы сырт алаңдағы кездесуде гол соқты.
41 жастағы форвард 49-минутта Жоау Феликстің айып добынан асырған пасын дәл аяқтады. Осылайша Роналду клубтар мен ұлттық құрама сапындағы кәсіби мансабындағы 982-голын тіркеді.
Бұл гол оған ресми матчтардағы гол саны бойынша өз әлемдік рекордын тағы да жаңартуға мүмкіндік берді. Роналдудың рекордтық соққысы түсірілген видео төменде көрсетілген.
Кездесу басталғанда-ақ «Аль-Наср» алға шыққан еді: 4-минутта Абдулла Әл-Хамдан көзге түсті.
Матч алдында Роналду командасы чемпионат кестесінде 9 ойыннан кейін 22 ұпаймен үшінші орында тұрған. Ал «Аль-Файзали Харма» жеті ұпаймен 15-сатыда еді.