Ига Швёнтек жарақатына байланысты маусымды мерзімінен бұрын аяқтады
Польша теннисшісі, бұрынғы әлемнің бірінші ракеткасы Ига Швёнтек 2026 жылғы маусымды ерте аяқтайтынын мәлімдеді. Бұған Ухандағы турнирде алған сол жамбасының жарақаты себеп болды.
Польша теннисшісі Ига Швёнтек 2026 жылғы маусымды мерзімінен бұрын аяқтайтынын хабарлады. Бұрынғы әлемнің бірінші ракеткасы мұндай шешімге сол жамбасының жарақаты салдарынан келді.
Швёнтек Уханда өткен WTA-1000 турнирінің жартылай финалында жарақат алып, кейін Қытайдың Нинбо қаласында өткен WTA-500 санатындағы жарыстан бас тартты. Соның нәтижесінде ол WTA қорытынды турниріне тікелей жолдама алудан математикалық тұрғыда үмітін үзді.
Осыдан кейін теннисші әлеуметтік желідегі жазбасында маусымды ерте аяқтайтынын жариялады. Бұл оның соңғы алты жылда алғаш рет WTA қорытынды турниріне қатыспай қалатынын білдіреді.
2020 жылғы маусым да Швёнтек үшін бұл жарыссыз өткен еді, алайда сол кезде турнир ұйымдастырушылар тарапынан COVID-19 пандемиясына байланысты толықтай тоқтатылған болатын. Сондықтан спорттық тұрғыдан алғанда, ол элитаға шыққалы бері бұл бәсекені алғаш рет өткізіп алады.