Қазақстандық боксшы Улан Нұрғали Ташкентте (Өзбекстан) өткен IBA Nomad 16 турнирінде өзбекстандық Бекмурод Турсунбоевпен қолғап түйістірді.
Қос спортшы ММА қолғаптарымен бокс ережесі бойынша жұдырықтасты. Жекпе-жек жеңіл салмақта өтіп, үш раундқа жоспарланған еді.
Алайда кездесу ұзаққа созылған жоқ: Нұрғали бірінші раундта-ақ қарсыласын нокаутқа түсіріп, бар-жоғы 53 секундта жеңісті өз пайдасына жазды.
Бұл нәтиже қазақстандық файтер үшін лигадағы алтыншы жеңіс болды. Ал Бекмурод Турсунбоев промоушндегі дебютін жеңіліспен бастады.
Айта кетейік, бұған дейін Улан Нұрғали IBA Nomad лигасының жартылай жеңіл салмақтағы чемпионы атанған.
