Қазақстандық боксшы Еділ Қожамбердиев (17-2, 17 КО) ресейлік Умар Саламовпен (33-2, 24 КО) бірінші ауыр салмақтағы IBF European титулы үшін өткен кештің басты жекпе-жегінде кездесті.
Титул иегері Саламов айқасты мерзімінен бұрын аяқтады. Шешуші сәт бесінші раундта тіркелді: ресейлік боксшы қарқынын күшейтіп, Қожамбердиевті бірнеше рет нокдаунға жіберді.
Раундтың соңына қарай ауыр соққыдан кейін қазақстандық боксшы тағы да тізерледі. Бұдан кейін төреші жекпе-жекті тоқтатып, Саламовтың техникалық нокаутпен жеңіске жеткенін тіркеді.
Осылайша, Умар Саламов IBF European белбеуін сәтті қорғап қалды. Ал Еділ Қожамбердиев кәсіпқой рингтегі екінші жеңілісіне ұшырады.
Айта кетейік, қазақстандық боксшының кәсіпқой мансабындағы барлық 17 жеңісі нокаутпен келген.
