Мэттью Маджио: Овечкин хоккейге үлкен серпін берді
«Салават Юлаев» шабуылшысы Мэттью Маджио Александр Овечкиннің Уэйн Гретцкидің рекордын жаңартуына қатысты пікір білдірді. Канадада да, Ресейде де бұл жетістікке жанкүйерлер қуанды деп санайды.
«Салават Юлаевтың» канадалық шабуылшысы Мэттью Маджио «Вашингтон Кэпиталз» капитаны Александр Овечкиннің Уэйн Гретцкидің голдар рекордын жаңартқанына қуанышты болғанын айтты. Ол бұл жетістікті хоккей үшін маңызды оқиға деп бағалады.
— Өткен жылы Овечкин Уэйн Гретцкидің рекордын жаңартты — бұл канадалық рекорд. Ол мұны жасағанда қапаландым ба? — Жоқ, мүлде емес! Менің ойымша, Канададағы жұрттың бәрі оған қуанды. Балалық шақта не Кросбиге, не Овечкинге жанкүйер боласың. Ресейде де осындай жағдай бар шығар. Ол хоккей үшін көп еңбек сіңірді, ойынның дамуына зор серпін берді және оның бүгінгі деңгейге көтерілуіне ықпал етті. Сондықтан мен мұңаюдың қажеті жоқ деп ойлаймын. Рекордтар — жаңартылу үшін жасалады. Бұл рекордтың жаңарғанын көргенде бәріміз де қуандық, — деді Маджио.
Овечкин қазір «Вашингтонда» 22-маусымын өткізіп жатыр. Ол НХЛ-дің тұрақты чемпионаттар тарихындағы ең үздік сұрмерген болып қала береді: оның еншісінде 930 шайба бар. Бұл көрсеткіш Уэйн Гретцкиден 36 голға артық.
Овечкин канадалықтың рекордын 2025 жылғы 6 сәуірде «Нью-Йорк Айлендерске» қарсы ойында 895-ші шайбасын соққан кезде жаңартқан еді.