Зверев алғаш рет әлемнің бірінші ракеткасы атанады
Неміс теннисшісі Александр Зверев мансабында тұңғыш рет ATP рейтингін көш бастайды. Оған Янник Синнердің маусымды мерзімінен бұрын аяқтауы жол ашты.
Неміс теннисшісі Александр Зверев алғаш рет кәсіби мансабында ATP рейтингінің бірінші сатысына көтеріледі.
Италиялық Янник Синнер маусымды мерзімінен бұрын аяқтайтынын мәлімдегеннен кейін, Зверевтің 2026 жылды әлемнің көшбасшысы ретінде тәмамдайтыны белгілі болды. Қазіргі таңда Синнердің еншісінде 11 000 ұпай, ал Зверевте 9 720 ұпай бар.
Синнер маусым соңына дейін қорғай алмайтын 3 050 ұпайын жоғалтқан соң, рейтингте Зверевтің алға шығуына мүмкіндік туады. Осылайша, 29 жастағы неміс теннисшісі ATP тарихында жекелей сында әлемнің бірінші ракеткасы атанған 30-шы ойыншы болмақ.
Қазір Зверев Қытайда жүр. Ол Шанхайда өтетін беделді ATP Masters 1000 турниріне дайындалып жатыр. Бұған дейін ол Пекиндегі China Open-2026 жарысында өнер көрсетіп, ширек финалда сербиялық Новак Джоковичке есе жіберген еді.