Салтанат Меденова Софиядағы Еуропа чемпионатын жеңіспен бастады
Қазақ текті ресейлік боксшы Салтанат Меденова Софияда өтіп жатқан 2026 жылғы Еуропа чемпионатындағы алғашқы жекпе-жегінде жеңіске жетті. Ол Англия өкілі Мэри-Кейт Смитті төрешілердің бірауызды шешімімен ұтты.
Қазақ текті ресейлік боксшы Салтанат Меденова Болгария астанасы Софияда өтіп жатқан 2026 жылғы Еуропа чемпионатындағы жарысын сәтті бастады.
75 келіге дейінгі салмақта 1/8 финал кезеңінде ол Англия намысын қорғаған Мэри-Кейт Смитпен жұдырықтасты. Жекпе-жек қорытындысы бойынша Меденова төрешілердің бірауызды шешімімен жеңіске жетіп, келесі айналымға өтті.
Салтанат Меденова — әлем чемпионы әрі Ресейдің төрт дүркін чемпионы. Биылғы тамыз айында оған Ресейдің еңбек сіңірген спорт шебері атағы берілді.
Софиядағы 2026 жылғы Еуропа чемпионаты Ресей үшін тарихи дода саналады: бұл — World Boxing аясындағы ересектер арасындағы алғашқы ірі турнир, әрі Ресей құрамасы жарысқа ресми түрде толық құраммен, ешқандай шектеусіз қатысып отыр.