Илия Топурияның UFC октагонына қашан оралатыны белгілі болды
UFC-дің бұрынғы жеңіл салмақтағы чемпионы Илия Топурия 2027 жылдың ақпанынан бастап жекпе-жекке дайын болмақ. Бұл туралы журналист Альваро Колменеро хабарлады.
UFC-дің бұрынғы жеңіл салмақтағы чемпионы Илия Топурия октагонға 2027 жылдың ақпанында қайта оралуы мүмкін.
Журналист Альваро Колменеромен әңгімелескен Топурияның жалпы дене дайындығына жауапты бапкері Хесус Галло спортшының Майамиде жаттығуды біртіндеп қайта бастағанын айтқан. Оның сөзінше, Топурия «2027 жылдың ақпанынан бастап жұдырықтасуға дайын болады».
Топурия соңғы рет 14 маусымда Вашингтондағы Ақ үйдің оңтүстік алаңында өткен тарихи UFC Freedom 250 турнирінде жұдырықтасқан. Сол кеште ол жеңіл салмақтағы белдігін алғаш рет қорғап, америкалық Джастин Гэтжиден техникалық нокаутпен жеңіліп, кәсіби мансабындағы алғашқы жеңілісіне ұшырады. Бұған дейін, 2025 жылдың ақпанында, ол жартылай жеңіл салмақтағы титулынан өз еркімен бас тартып, салмақ дәрежесін көтерген еді.