Ақсайда 35 мың орындық жаңа стадион құрылысының алғашқы кезеңіне 6,5 млрд теңге бөлінді
Қазақстан Үкіметі Ақтөбеде УЕФА-ның 4-санатына сай келетін жаңа футбол стадионын салудың бірінші кезеңін қаржыландырды. Нысан 2028 жылдың қыркүйегінде пайдалануға берілуі жоспарланып отыр.
Ақтөбеде жаңа футбол стадионын салудың алғашқы кезеңіне республикалық резервтен 6,5 миллиард теңге бөлінді. Бұл қаражат Қазақстанда футболды дамыту және өңірлердегі спорт инфрақұрылымын жаңарту жөніндегі тапсырмаларды орындауға бағытталған.
Жаңа аренаның сыйымдылығы 35 мың көрерменге дейін жетеді. Ол қаланың батыс бөлігінде, 25 гектар аумақта салынып жатыр және өңірдегі ең ірі спорт нысандарының біріне айналмақ.
Жоба УЕФА-ның 4-санаты талаптарына сай жобаланған. Стадион бес қабатты спорт кешені түрінде бой көтеріп, жалпы аумағы 80 мың шаршы метрден асады. Мұнда футбол алаңы, жанкүйерлерге арналған трибуналар, командалар мен бұқаралық ақпарат құралдары өкілдеріне қажетті жағдайлар қарастырылған.
Құрылысты үш кезеңмен аяқтау жоспарланған. Үкімет бөлген 6,5 миллиард теңге биыл басталған бірінші кезеңге жұмсалады. Нысанды 2028 жылдың қыркүйегінде аяқтап, пайдалануға беру көзделіп отыр.
Ақтөбедегі УЕФА 4-санатындағы 35 мың орындық стадионның құрылысы 2025 жылдың желтоқсанында басталған. Толыққанды құрылыс-монтаж жұмыстары осы жылдың қаңтарында қолға алынған. Қазір «Ақтөбе» өз алаңындағы матчтарын тарихи Қобыланды батыр атындағы Орталық стадионда өткізіп жүр.